Affidavit ek sworn statement hota hai jisme person officially declare karta hai ki “jo likha hai wo mere knowledge ke mutabik sach hai.” Iska use kaafi jagah hota hai – court matters, name change, address proof, lost documents, loan applications, etc.

Value ye hai ki affidavit future me evidence ban sakta hai. Agar jaan-bujhkar jhooth bola gaya ho, to perjury ya false declaration ka risk hota hai (even though ground reality me prosecution rare hota hai). Notary/ oath commissioner verify karta hai signer ki identity and administer oath/affirmation.

Common misuse: har choti cheez ke liye random affidavits demand karna – jaise school admissions, company HR, housing societies – jaha actually simple declaration ya normal form enough hota. Log bhi “formality hi toh hai” soch ke bina padhhe sign kar dete hain.

Remember, affidavit ek legal document hai, na ke just stamp paper pe likha hua essay. Agar content incorrect nikla, to signature aapko uncomfortable positions me daal sakta hai. Always padh ke, samajh ke sign karo – chahe pressure ho, “queue roko mat” wali vibe ho, phir bhi.